صدك بغــــــــــــــــــــــــــداد

بغداد .......

يا دار السلام احجيلي عن يومج
شبيج مكدرة ومتغيرة علومج ؟؟؟؟

كليلي يا بغداد .... وكافي اظل حيران

ليش السواد وانتي اول من لبس الالوان
وليش تركتي الفرح وحضنتي الاحزان

وليش غير الآلم ما نلكة الج عنوان
وليش الكل حاربج واولهم الجيران ؟؟

صدك بيج البشر ما يعتبر انسان ؟؟؟
وصدك ابن البلد هم غدر بيج وخان ؟؟؟

صدك صرتي وحيدة ومتحاوطة بنيران؟؟
ومن سمهم سكوج اهل الكفر والعربان ؟؟

وصدك بارضج الارهاب سواله ميدان ؟؟
وترابج بالجثث دوم مليان ؟؟

وصدك بين السنه والشيعه انبنت جدران !!
وصدك كاظم اليوم استغنى عن عثمان!!!

حلماااااااااااااااااااااااان
حلمان

كعدوني يا ناس وكلولي حلمان

لان ما عندي *** يتحمل الطوفان
وما اكدر اناظر, بغداد بسجن الامريكان

انا يا ناس بصراوي اب عن جد
وبتراب الخصيب سنيني اعدهن عد

وروحي معلكة ابغداد مثل الجزر والمد
ومن احس يمج شر بظلوعي اسوي السد

خل ننسى ما صار ونخلي يد بيد
ونرجع البغداد بوحدتنا ايام الفخر والمجد

مع خالص تحياتي لكم